I kapituliere

Du gspührsch mis Härz, äs isch Dir vertrout
En Ort, wo sech Schmärz feschthet u sech stout
Du füheusch mi Seel, verwundet u chrank
D’Fröid isch igschlafe u macht ke Wank

Du merksch jede Gedanke, wo i die fautschi Richtig geit               
Jede chrampfhaft Versuech u wiener wieder verseit
Du gsehsch mis schwache Handle, mini Tate si schlächt
Allei schaffis nid – Du hesch vollkomme rächt

I kapituliere, ergibe mi
Vor Dir öppis z‘spiele, woni gar nid bi
Es git nüt z’verstecke, jedi Show het es Änd
I la mi la faue – i Dini Händ

Berühr Du mis Läbe, beläb was i bi   
Verbind jedi Wunde, bitte heil Du mi
Nur Du chasch mir häufe, Dini Liebi macht mi neu
Vou Hoffnig chumm i zu Dir, bättend uf de Chnöi





Text und Musik: Benjamin Nyffenegger
aus Produktion "Chünigschind" 2008 (c) endlos productions
Web: www.endlos.ch Mail: mail@endlos.ch