U glich nimmsch mi a

Weni uf mini Tate luege, uf das woni tue
uf das woni Dir cha gä, isch das niemals gnue
Weni aues zämezeue und nüt ussela
isch das nüt, woni würklech ha

U glich nimmsch mi a, so wieni bi
Mit nüt i mine Händ, chumm i vor Di
I chnöile vor Dir ab u bäte Di a
wüu Du für mi Dis Läbe hesch gla

Weni uf mi luege, uf das woni bi
weni dra dänke, wasi ohni Di würd si
Nid mau mis Läbe isch i mire Hand
öpper vo viune, im ‘ne frömde Land

I luege uf u gseh Dini Ouge
Träne si drin, wäge mim Ungloube
U glich gloubsch a mi u Du seisch ja
ohni wenn und aber, nimmsch Du mi a





Text und Musik: Benjamin Nyffenegger
aus Produktion "Chünigschind" 2008 (c) endlos productions
Web: www.endlos.ch Mail: mail@endlos.ch