Vo ganzem Härze

Vo ganzem Härze, mit all mire Chraft
mit mire Seel und mim Verstand
mit allem, woni bi
mit mim Handle, mit mire Sprach
mit mim Luege und mim Lose
mit allem, woni tue

Wott i Di lobe, mi Herr u mi Gott	
wott i Dir singe, ja Herr, i wott
Dir alles gäh, woni ha u bi
Dir wott i diene, drum bini hie

Vo ganzem Härze, mit all mire Chraft
mit mim Schaffe u mim Schlafe
mit allem woni bi
mit jeder Bewegig, mit jeder Idee
mit mim Dänke, mi verschänke
mit allem woni ha

Lobpris und Ehr
Herrlichkeit u Macht
vo Ewigkeit zu Ewigkeit
ghört Dir, Jesus, allei

Mit allem, woni bi
mit allem, woni tue
mit allem, woni bi
mit allem, woni ha	





Text und Musik: Benjamin Nyffenegger
aus Produktion "Chünigschind" 2008 (c) endlos productions
Web: www.endlos.ch Mail: mail@endlos.ch