Du bisch da									

We Blätter vo de Böim abefaue
U die ganzi Farbepracht am Bode liegt
We d‘Aare geng cheuter und cheuter wird
U d‘Luft hautet mit dere Cheuti Schritt
Bisch Du da – Du bisch da

We Tage geng chürzer wärde
Bis dr Morge u dr Abe zur Nacht ghört
We d‘Stimmig dusse zwar herrlech isch
U glich tönt das Lied – dass öppis ufhört
Bisch Du da – Du bisch da

Öb Frühlig oder Herbscht, Summer oder Winter - Du bisch da
Öb d‘Sunne ma schine oder isch sie grade niene - Du bisch da.
Öb i lache oder gränne, strahle u singe - Du bisch da
Bisch Du da – Du bisch da

Wes schint, als ging d‘Ärde ga schlafe
U dr Näbu malt es graus Landschaftsbild
Weni d‘Wermi u d‘Farbe u d‘Fröid mues ga sueche
U mi Gott, wo jedi Sehnsucht stiut
Bisch Du da – Du bisch da


Text und Musik: Benjamin Nyffenegger
2009 © endlos productions aus Produktion ‚Chünigschind 2‘ www.endlos.ch